MAGHÚA N'A REPICHOCA (A CORUÑA)

Maghúa achegaremo-nos para botar unhas pezas a este local coruñés, que tanto leva feito pola nosa música mais tradicional...

Despediremos o mes de maio apartir das 22.30, entre amigos, viño, e contigo, se queres...

FOLIADA NO CRUCEIRO DE FEÁS

Vinde nenos e nenas a Foliadiña !!!

Os Azoughados toleamos de todo e agora dásenos por andar gravando maquetas, gustarianos que nos acompañarades neste azoughamento supino, hai amigos/as que xa se subiron ó carro, Grileiros e os Maghúa que nos van dar moito que facer JJJ (musicalmente falando).

Esperámosvos a todos e a todas.
Bar O Cruceiro
Igresario de Feás S/N.
Feás-Aranga-Betanzos

CONCURSO DE BAILE TRADICIONAL TEQUEXETÉLDERE

Maghúa no Alalá da TVG

O grupo de cantareiros Maghúa, da Asociación Cultural Maghúa, gravaremos o vindeiro venres, 26 de fevereiro, o apartado musical para a edición dun programa da série ALALÁ, emitido pola TVG.

Comezará às 17.00 na tasca A REPICHOCA, d'A Coruña, bar no que a música do País tivo e ten ampla cobertura.

Sobre as 19.00 horas terá rematada a gravación e, agardamos, haberá algo de festa.

Quixeramos contar con todos e todas vós para que botedes uns pontos durante a gravación, e para tomarmos algun grolo xuntos.

Estades todos e todas convidados e convidadas!

Unha aperta!

Maghúa na Foliada de Antroido 2010, no Forum Metropolitano

O vindeiro luns, 15 de fevereiro, Maghúa participaremos na IIª Foliada de Antroido.

Comezará às 20.00 horas e compartiremos festa con todos aqueles que vos animedes a botar unhas pezas, a bailar..., ou a papar filloas....

Unha forte aperta, e vemo-nos no FORUM METROPOLITANO!

VI Certame Galego de Cantares de Reices en Boimorto, o 3 do I de 2010

O Concello de Boimorto promove por sexto ano consecutivo o certame Cantares de Reis o día 3 de Xaneiro de 2010.

Participantes: Cuadrillas (ata un máximo de 20 participantes) que se inscriban no Concello antes do 24 de Decembro de 2009.

Desenvolvemento: Comezará ás 16:30h e cada cuadrilla participante deberá interpretar un Cantar de Reis cunha duración que non sobrepase os 5 minutos.

Premios:
Primeiro premio: 1.000 €
Segundo premio: 500 €
Dous terceiros premios: 300 € cada un
Cuarto premio: 200 €
Quinto premio: 100 €

Mañá, 22 de decembro, botamos os Reis n'A Coruña

http://www.blogoteca.com/malmequer/index.php?cod=75974

Mañá Maghúa botamos os Reis no Forum Metropolitano, n'A Coruña.

- Cantar dos Reis de Barro de Arén (Cerdedo, Ponte Vedra), recollido aos veciños no Teleclube de Barro.

- Cantar de Reices de San Xosé (Orientais) de Santaia de Moar (Frades, A Coruña), do repertório de Ricardo Lagares (+)

O dia 26 cantamos os Reis en Cambados

@s amig@s da Asociación Volandeira de Cambados teñen organizado un Certame de Cantar de Reis para o vindeiro 26 de decembro. Terá lugar o vindeiro sábado às 19.30 h no Auditório de Cambados. Logo haberá serán!!!

Ali estaremos:

· MAGHÚA D´A CORUÑA
· XIRIFEIROS DE CARRIL
· ASOCIACIÓN CULTURAL NÓS DE SOBRADELO
· CARBALLEIRAS DE CAMBADOS
· ASOCIACIÓN VOLANDEIRA DE CAMBADOS

Magosto da Fuliada, Betanzos. 28 de novembro

@s amig@s da Asociación A Fuliada, de Betanzos, están a preparar con cariño o que será o seu Iº Magosto, para o dia 28 de novembro...

Música, castañas, viño, baile... Todo, no campo da Feira!

Aire!

O 7 de novembro, festa en Sada

Mentres Maghúa botamos o serán en Couso, @s amig@s da A.C. Queiroa, organizan a IIª Foliada en Sada. Apartir das 20.00, na Praza Suárez Picallo.

Haberá concurso de baile por parellas....

Xa sabedes, no caso de non andardes por Couso...

O 7 de novembro, Maghúa na Festa do Outono (Couso, A Estrada)

Apartir das 21.00 horas... Festa!

Maghúa estaremos neste encontro, en Couso (A Estrada), compartindo merenda e viño novo cos amigos...

Vide!!!

Estaremos MAGHÚA ,OS KE HAI, REGATO DE MATAMULLERES,
RETROUSO, VILARACHOS, PANDEIROMUS, PANDERETEIROS DE BRINCADEIRA,
XENTES DE MONDARIZ E PAZOS, BOUBA PANDERE...TEIRAS, ARDENTÍA e A PONTE VELLA.
Gran serán con boa música, bo baile, castañas asadas, cogumelos e todo mollado con viño novo. Festa a partir das 21:00h ata a mañanciña.

E para os festeiros que non queiran coller o coche despois da festa, poden QUEDAR A DURMIR na ESCOLA NOVA, o carón do Campo da Festa.

Maghúa en Cecebre e no Campo da Leña (A Coruña)

Maghúa estaremos os dias 18 e 19 deste mes de setembro en dous actos importantes:

- I FOLIADA DO VERÁN EN CECEBRE

Organizado por: Gaiteiros de Cecebre de Pedro Lamas
Onde: Baixos da CASA DA XUVENTUDE DE CECEBRE: cervexería O Rincón.
Cando: Venres, 18 de Setembro dende as 21:30 até as 6:00


- FESTIVAL DA LÍNGUA

Organizado por: CS Atreu!
Onde: Campo da Leña(A Coruña)
Cando: Sábado, 19 de Setembro dende as 17:00 até as 1:00
Haberá feira de produtos ecolóxicos, animación de rua, serán tradicional e concerto (A QUENLLA, FRACASADOS DE ANTEMANO, DIOS KE TE KREW...)


AVANTE, MAGHÚA!!!

E, agora que somos case asociación.... que se prepare o mundo...!!!

Aberto de Billarda e Ruada n'A Pontraga (Tordoia)

Logo de pasarmos un frio do quince tocando en Lardeiros, na Noite Folc d'O Pino; no encontro de Emigrantes celebrado na piscifactoria A Berxa en Mesia; e por Poulo...


...Maghúa estaremos no Aberto de Billarda e Ruada que organizan os amigos da Asociación Cultural Brisas do Quenllo na Pontraga (Tordoia), para este sábado 22 de agosto.

Programa:

17:00. Aberto de Billarda
- Contos con Celso Sanmartín
- Churrascada.

19:00 Ruada coa actuación de:
- Bailadores e Cantadores da Pontraga,
- Bouba Pandereteiras
- Maghúa
- Flor da Maquía
-...

MAGHÚA EN BERXA, MESIA, O 31 DE XULLO

Maghúa achegaremo-nos por Mesia o 31 de xullo para botar unhas cantadas na piscifactoria Berxa, apartir das 22.00 h.

Música e cea en boa compaña!


Avante, Maghúa!

O DOMINGO 12, EN POULO

Recuperados xa da inxesta de callos na Conrobla...

Este domingo participamos no festival que Camiño Real organiza en Poulo, Ordes.

Terá lugar apartir das 4 da tarde...

Fechamos o dito festival.

Vide!!!!